感謝老死送我一對全白af1,自從唔見左一"隻"superstar之後,好耐都冇試過著白波鞋lu...

終於聽哂season1-3既最好的時光...我知有d遲,不過冇計啦,我只係鍾意放學係巴士上聽....原來斷斷續續,我都聽左年幾...中毒都中左成年lu..

由season1聽到尾,就即係由細聽到何淑馨同余傲芝大..好有親切感..成套劇我最鐘意既係陳裕恆..(ha,竟然係佢..)鐘意陳裕恆係因為佢仲緊我好想做既野...佢有一間自己既二手唱片鋪..有好好既朋友,同埋周圍去,做自己想做既事..性格又係咁多個角色中改變得最少既一個,仲keep到年少時代既純同埋真..雖然佢既結局都係得自己一個..

聽完我係到諗,比著我係陳裕恆既話,細個既時候應該會揀余傲芝..因為同我一樣悶得,傻得丫ma~!但係大個呢..就會揀何淑馨,因為搵老婆既都係搵個溫柔又照顧到我地人好=]

哈,唔知我既最好的時光係點呢,不過我相信最好的時光係需要我係現在同將來去開拓既,之後我先可以從過去找尋返我既最好的時光~!

能夠再係屋企電視機中見到愛隊比賽,感覺就好似同加拿斯一樣咁興奮!